აშშ-ის თავდაცვის მდივნის ლოიდ ოსტინის თქმით, ისრაელში ომის ფონზე აშშ-ის საზღვაო ძალებს ხმელთაშუაზღვის აღმოსავლეთით დამრტყმელი ჯგუფი გადაჰყავს.
გადამზიდზე ასევე განთავსებულია გამანადგურებელი მართვადი რაკეტები და კრეისერები, რომლებიც საზღვაო ძალების კიდევ ორი კლასის ხომალდია.
კვირის დასაწყისში გამანადგურებელი Gerald R. Ford-ი იტალიის საზღვაო ძალების ფლოტის შემადგენლობაში იყო, ახლა კი ის ისრაელის ფლოტს დაეხმარება.
მანამდე აშშ-ის პრეზიდენტი ისრაელის პრემიერს ესაუბრა და აშშ-ის მიერ გაწეული დახმარების შესახებ უამბო და უთხრა, რომ ახლა თავდაცვის ძალები გზაში არიან და მომავალ დღეებში კიდევ მეტ დახმარებას მიიღებს.
ჰამასის თავდასხმის შედეგად ისრაელში დაღუპულთა რიცხვმა 600-ს გადააჭარბა.
უწყების ცნობით, დაღუპულთა შორის ათობით სამხედრო და პოლიციელია, რომლებიც შეტაკების დროს დაიღუპნენ.
რაც შეეხება დაშავებულთა რაოდენობას, საავადმყოფოებში 2 048 ადამიანია გადაყვანილი, მათ შორის 20 მოქალაქის მდგომარეობა კრიტიკულად მძიმეა.
***
გუშინ, 7 ოქტომბერს ღაზას სექტორიდან ისრაელის მიმართულებით ათობით რაკეტა გაუშვეს. ქვეყნის მასშტაბით განგაშის სირენები ამოქმედდა. თავდასხმაზე პასუხისმგებლობა პალესტინურმა დაჯგუფება ჰამასმა აიღო და თქვა, რომ 20 წუთში 5 000 რაკეტა გამოიყენეს.
გავრცელებულ შეტყობინებაში, ჰამასის სამხედრო მეთაურმა, მოჰამედ დეიფმა ამას ოპერაცია "ალ-აკსას წარღვნა" უწოდა და პალესტინელებს შეერთებისკენ მოუწოდა.
ისრაელის შეიარაღებულმა ძალებმა ჰამასის წინააღმდეგ საპასუხო დარტყმები განახორციელეს - მათ სამხედროების მობილიზება დაიწყეს და "საომარი მდგომარეობის" შესახებ გაფრთხილება გამოაცხადეს.
ისრაელის პრემიერმინისტრმა, ბენიამინ ნეთანიაჰუმ ამას ომი უწოდა - მისი თქმით, წინ ხანგრძლივი ბრძოლა ელით, თუმცა ისრაელი ომს მოიგებს, ხოლო ჰამასი პასუხს აგებს ამ ქმედებებისთვის.
დახურვა