"ხვალიდან სავალდებულო ხდება პირბადეების ტარება დახურულ, საჯარო სივრცეში. პასუხისმგებლობა ამ მოთხოვნაზე ეკისრებათ იურიდიულ პირებს",- ეს განცხადება პრემიერის მრჩეველმა ირაკლი ჩიქოვანმა რამდენიმე წუთის წინ გააკეთა.
მისი თქმით იურიდიული პირების პასუხისმგებლობა განისაზღვრა 15 000 ლარით.
"ასევე შეგახსენებთ, რომ ხვალიდან შეზღუდვები წესდება სასაფლაოსთან დაკავშირებით. იმ შემთხვევაში თუ ყველამ კანონი არ დავიცავით, ეს აუცილებლად გახდება ქვეყანაში ეპიდემიოლოგიური ვიტარების გამწვავების საფუძველი და მოგვიწევს სრული კარანტის ამოქმედება",-აღნიშნა ჩიქოვანმა.
ბოლო მონაცემებით ინფიცირებულთა რიცხვი 348 -მდე გაიზარდა , აქედან 76 უკვე გამოჯანმრთელდა, ხოლო 3 გარდაიცვალა. კარანტინის რეჟიმში იმყოფება 5000, ხოლო სტაციონალური მეთვალყურეობის ქვეშ 494 ადამიანი.
დახურვა