ძალიან მძიმე დღეებია საქართველოს თითოეული მოქალაქისთვის. 13 წლის წინ დაიწყო სამხედრო აგრესია საქართველოს წინააღმდეგ, ამის შემდეგ ჩვენი ტერიტორიების 20% ოკუპირებულია. ძალიან მძიმე სანახავია, როდესაც მოვდივართ აქ [მუხათგვერდის] სასაფლაოზე და ჩვენი გმირების ოჯახებს ვხედავთ. რთულია გაიზიარო ისე, როგორც თვითონ იზიარებენ ამ წუხილს, თუმცა ფაქტია, რომ ეს ადამიანები არიან გმირები და სამუდამოდ დატოვეს თავიანთი სახელი ქვეყნის თავისუფლებისა და დამოუკიდებლობისთვის ბრძოლაში. ამით ნამდვილად უნდა იამაყონ მათმა ოჯახებმა და თითოეულმა ქართველმა. ოკუპაცია არის დროებითი, ამას ყველა ხვდება და ძალიან მალე დავასრულებთ ჩვენ ამ ოკუპაციას.
თქვა პარლამენტის თავმჯდომარე კახა კუჭავამ მუხათგვერდის ძმათა სასაფლაოზე, სადაც 2008 წლის აგვისტოს ომში დაღუპული ჯარისკაცების ხსოვნას პატივი მიაგო.
დახურვა
