სრულიად საქართველოს კათოლიკოს-პატრიარქს,
უწმინდესსა და უნეტატესს ილია II-ს
თქვენო უწმინდესობავ,
გილოცავთ დაბადების დღეს ქართული საზოგადოების სახელით. მთელ მსოფლიოში მიმოფანტული ქართველობა თქვენი ლოცვით ინარჩუნებს რწმენას, სამშობლოს სიყვარულსა და მორალურ პრინციპებს. დღეს, როცა პანდემია მძვინვარებს და ჩვენი საზოგადოება შეპყრობილია პოლარიზაციის სენით, საქართველო, როგორც არასდროს, საჭიროებს თქვენს მამობრივ მზრუნველობასა და ლოცვას.
მრავალფეროვანი ქართული საზოგადოების სახელით გისურვებთ ჯანმრთელობას და მხნეობას. პატივისცემით და სიყვარულით - სალომე ზურაბიშვილი.
საქართველოს პრეზიდენტი სალომე ზურაბიშვილი მართლმადიდებელი ეკლესიის პატრიარქს ილია II-ს დაბადების დღეს ულოცავს. ის 89 წლის გახდა.
დახურვა
