logo
ENG

კელი ღარიბაშვილზე: ვერ ვიჯერებ, რომ ჯერ კიდევ არ დაურეკავს კიევში თავის უკრაინელ კოლეგასთან
იან კელი
25 იან, 2022 00:15
კელი ღარიბაშვილზე: ვერ ვიჯერებ, რომ ჯერ კიდევ არ დაურეკავს კიევში თავის უკრაინელ კოლეგასთან
  • 6353ნახვები

ვფიქრობ, საქართველო ბევრად მეტს უნდა აკეთებდეს. გულწრფელად ვამბობ, ცოტა იმედგაცრუებული ვარ, რომ საქართველო უფრო აქტიური არ არის. ვერ ვიჯერებ, რომ პრემიერს ჯერ კიდევ არ დაურეკავს კიევში თავის უკრაინელ კოლეგასთან, ეს წარმოუდგენელია. არ მესმის, ან პრეზიდენტი, ან პრემიერი, რატომ არ მიმართავს კიევს და ამბობს - ჩვენ თქვენ გვერდში ვდგავართ.

თავჩაქინდრული თბილისი - ეს გულდასაწყვეტი სანახავია საქართველოს ნებისმიერი მეგობრისთვის. რატომ? თქვენ და კიევს ერთი და იგივე მიზნები გაქვთ - რატომ არ ამბობთ ამას? რატომ არ ეკითხებით ზელენსკის: რა შეუძლია საქართველოს, რა გავაკეთოთ თქვენს დასახმარებლად?

ვფიქრობ, ეს იმით აიხსნება, რომ [მთავრობას] არ სურს კრემლის ყურადღება მიიქციოს. გასაგებია. მაგრამ განა ეს მიდგომა უნდა ჰქონდეს ქვეყანას, როდესაც სტრატეგიული პარტნიორი, უკრაინა სამხედრო საფრთხის წინაშე დგას? ვერ დავეთანხმები ამ მიდგომას, ვფიქრობ, პირში წყლის ჩაგუბება დიდი შეცდომაა. რაც უფრო ჩაღუნავთ თავს, მით უფრო წააქეზებთ კრემლის აგრესიას.

ასე პასუხობს აშშ-ის ყოფილი ელჩი საქართველოში, იან კელი რადიო თავისუფლების შეკითხვას, არის თუ არა საკმარისი ის, რასაც საქართველო უკრაინის მხარდასაჭერად აკეთებს.



ასევე ნახეთ
close დახურვა