"რადგან სხვანაირად არ გამოგვივიდა, მოდი რუსი ტურისტების წინააღმდეგ კამპანია ისევ ამოვქოქოთ. ამით ხელისუფლებას თან რუსების დაცვა მოუწევთ და პიარულად მაგაზე მაგრად დავარტყამთ, თან იქნებ კარგად გაღვივდეს და ამ გზით მაინც ავრიოთ" - ვინც ამას ასე ალაგებს და შესაბამის კამპანიას გეგმავს, ოკუპანტზე უარესი და მისი ხელშემწყობია!..
ხვალ 7 აგვისტოა. ამ კამპანიის ავტორებმა თავის დროზე ქართველი სამხედროები 2008 წლის 7 აგვისტოს საბრძოლო მოქმედებების გაუფრთხილებლად დაწყებაში, ცხინვალის კასეტური ბომბებით დაბომბვაში და ამით მშვიდობიანი მოსახლეობისათვის საფრთხის შექმნაში დაადანაშაულეს.
დღეს ეს ხალხი ცდილობს რუსების თემის გავლით არევას!.
დასკვნების გამოტანა რთული არ არის!
დაწერა ქართული ოცნების ერთ-ერთმა ლიდერმა, მამუკა მდინარაძემ ფეისბუქზე.
უკრაინაში რუსეთის შეჭრის შემდეგ საქართველოში ათასობით რუსი გადმოსახლდა. მათი დიდი ნაწილი არ აღიარებს რუსეთის მიერ საქართველოს ტერიტორიების ოკუპაციას, ასევე ხევს უკრაინის მხარდამჭერ პლაკატებს.
დახურვა
