ყველამ იცის, რომ ფრენების აღდგენას არავითარი კავშირი არ აქვს რუსეთის მოზღვავებასთან საქართველოში. ამასთან დაკავშირებით უკვე სამი სპეკულაციური კამპანია გამოვიარეთ, ერთი იყო მარტში, მეორე ზაფხულში და მესამე მობილიზაციის გამოცხადების შემდეგ და დავამტკიცეთ, რომ სამივე იყო სპეკულაცია. არავითარი რისკები არ შექმნილა ჩვენი ქვეყნის უსაფრთხოებისთვის, მათ შორის არც საქართველოში მცხოვრები უკრაინელების უსაფრთხოებისთვის და რა თქმა უნდა, კასიანოვის დღევანდელი განცხადებაც არის სამარცხვინო სპეკულაციური განცხადება. მე შემიძლია ვთქვა, რომ იმ შემთხვევაში დაჭირდებოდა ალბათ უკრაინელების ევაკუაცია საქართველოდან კასიანოვს, თუ ჩვენ ბუკებს გავაგზავნიდით უკრაინაში, იმიტომ რომ ეს იქნებოდა საქართველოს პირდაპირი ჩართვა კონფლიქტში.
ასე ეხმაურება ქართული ოცნების თავმჯდომარე ირაკლი კობახიძე საქართველოში უკრაინის დროებითი რწმუნებულის, ანდრი კასიანოვის განცხადებას.
უკრაინის ელჩის მოვალეობის შემსრულებელი ანდრი კასიანოვი არ გამორიცხავს, საქართველოდან რუსეთში პირდაპირი ფრენების აღდგენისა და უსაფრთხოების რისკების გაზრდის შემთხვევაში, უკრაინის საელჩომ საქართველოდან მოქალაქეების მასობრივი ევაკუაცია დაიწყოს.
დახურვა
