ამ "პატივცემულმა" მთავრობამ უკვე ყველა სამარცხვინო ლიმიტს გადააჭარბა! რუსეთთან ფრენების აღდგენა?! მართლა?! როდესაც მთელმა მსოფლიომ შეწყვიტა მათთან ფრენები?! საუბარია იმაზე რომ ყველა ევროპული საჰაერო კომპანია გავა საქართველოს ბაზრიდან! სად ვიფრენთ იცით მარტო? მინსკი, მოსკოვი, სანქტ-პეტერბურგი, ირკუცკი და ა.შ. Welcome to USSR Georgia. საქართველოს "ოცნება" თქვენ "საქართველოს დასასრული" უნდა გერქვათ! დანარჩენი პარტიების დიდი უმრავლესობის წარმომადგენლებიც ჩემი აზრით უმაქნისი და გაყიდული პოლიტიკოსები ხართ! ფაქტი ერთია: ქვეყანა და ერი თქვენ არ გაღელვებთ! რა გაღელვებთ დიდი ხანია გავიგეთ უკვე! უნდა ვიბრძოლოთ?! არ უნდა დავნებდეთ?! რა თქმა უნდა! წინააღმდეგ შემთხვევაში დასრულებულია ჩვენთვის ყველაფერი! გული მაქვს გახეთქვაზე! მერამდენე მთავრობა გამოვიცვალეთ, რამდენი დრო გავიდა და 3-მილიონიან ერს ვერ მიხედეს და დააყენეს ფეხზე.
წერს საოპერო მომღერალი ანიტა რაჭველიშვილი Facebook-ზე.
რუსეთის პრეზიდენტმა ვლადიმირ პუტინმა საქართველოს მოქალაქეებისთვის სავიზო რეჟიმი გააუქმა. ოფიციალურ პორტალზე გამოქვეყნებული განკარგულების თანახმად, გადაწყვეტილება ძალაში 2023 წლის 15 მაისიდან ამოქმედდება. პუტინმა რუსულ ავიაკომპანიებს საქართველოში ფრენაზე შეზღუდვებიც მოუხსნა.
ქართული ოცნება მანიპულირებს, თითქოს რუსეთისგან სავიზო რეჟიმის გაუქმება და ფრენების აღდგენა ისევ ქართველებისთვის არის დადებითი გადაწყვეტილება, რადგან ეს რუსეთში მყოფებს ცხოვრებას გაუადვილებს.
დახურვა
