ალტე უნივერსიტეტის სტუდენტები დღევანდელ აქციას უერთდებიან. განცხადებას უნივერსიტეტის თვითმმართველობა ავრცელებს.
"ალტე უნივერსიტეტის თვითმმართველობის სახელით ყველა სტუდენტს და საქართველოს მოქალაქეს მოვუწოდებთ, დაგმონ ის, რაც დღეს ჩვენს გარშემო ხდება.
საჭიროა, რომ საქართველო ევროპული ოჯახის აბსოლუტური, სრულყოფილი წევრი გახდეს.
20 ივნისს 20:00 ალტე უნივერსიტეტის სტუდენტები ვუერთდებით დაგეგმილ აქციას და ბოლომდე ვიბრძოლებთ საქართველოს უკეთესი მომავლისთვის, ძალა ჩვენშია", - ნათქვამია განცხადებაში.
აქციას ასევე უერთდებიან თბილისის სახელმწიფო უნივერსიტეტის, ილიას სახელმწიფო უნივერსიტეტის, ჯიპას, საქართველოს უნივერსიტეტის, კავკასიის უნივერსიტეტის, საქართველოს ეროვნული უნივერსიტეტის, საქართველოს ტექნიკური უნივერსიტეტის, თავისუფალი და აგრარული უნივერსიტეტების, სულხან-საბა ორბელიანის უნივერსიტეტის და შავი ზღვის საერთაშორისო უნივერსიტეტის სტუდენტები.
დახურვა