ჯანდაცვის მინისტრმა ეკატერინე ტიკარიძემ ქვეყანაში შემოღებულ ახალ შეზღუდვებზე ისაუბრა და თქვა, რომ ავტომობილებით გადაადგილების აკრძალვა ეკლესიებში მრევლის მისვლასთან არანაირ კავშირში არ არის.
ტიკარაძის თქმით, ახალი რეგულაციებით მთავრობა ცდილობს ხალხს სოციალური დისტანცირების მნიშვნელობა დაანახოს.
„თუ ჩვენ დავაკვირდებით ჩვენი ტაძრების გეოგრაფიულ გადანაწილებას საქართველოს ნებისმიერ ქალაქში, დავინახავთ, რომ მანქანების გადაადგილება ვერ შეაფერხებს ტაძარში მისვლას. ამ ორ ფაქტს შორის კავშირი არ არის. ეს არის უბრალოდ გამკაცრებული ღონისძიება, რათა ჩვენს მოქალაქეებს დავანახოთ თუ რამხელა მნიშვნელობა აქვს სოციალური დისტანცირების დაცვას“, - აცხადებს ტიკარაძე.
შეგახსენებთ, რომ საპატრიარქოსა და ხელისუფლებას შორის სააღდგომო ლიტურგიასთან დაკავშირებით მოლაპარაკებები მიმდინარეობდა. საბოლოო ჯამში საპატრიარქო და მთავრობა ლიტურგიის ჩატარებაზე შეთანხმდნენ. შესაბამისი განცხადებები გუშინ საპატრიარქოს პრესსამსახურმა მამა ანდრია ჯაღმაიძემ გააკეთა. კერძოდ, ჯაღმაიძის თქმით, ეკლესიის კარი არ დაიკეტება.
დახურვა