ყველა შეთანხმებულია, რომ ეს ხელისუფლება უნდა დასრულდეს, მაგრამ ჩვენ, ევროპული საქართველო, სხვებისგან იმით განვსხვავდებით, რომ გვაქვს კონკრეტული გეგმა, ხედვა, პასუხისმგებლობა, ვალდებულება იმისი, რასაც გავაკეთებთ. ჩვენ ვიცით, რომ მთავრობა უნდა არსებობდეს იმისთვის, რომ პირობები შეუქმნას ხალხს, რომელსაც უნდა საკუთარი შრომით ბედნიერების მოპოვება. რაც დღეს ხდება, როცა ყველა ჩვეულებრივი მოქალაქის ხარჯზე მთავრობის ბიუროკრატები თავს იმდიდრებენ, ეს არის ივანიშვილის რეჟიმის ამოსავალი წერტილი. ეს არის მთავარი საკითხი, რაშიც უნდა მოხდეს გარდატეხა. ჩვენ დავწევთ გადასახადებს, ქონებას კერძო საკუთრებაში მივცემთ ხალხს და ყველას მივცემთ შანსს, რომ საკუთარი შრომით, საკუთარი გარჯით მოიპოვოს თავის კეთილდღეობა და მთავრობა იყოს მისი უსაფრთხოების დამცველი, გარე საფრთხისგან დამცველი და არავითარ შემთხვევაში ის ცუდი ძიძა, რომელიც ივანიშვილის მთავრობა გვთავაზობს დღეს.
დახურვა
