დღეს ბატონმა პრემიერმა განაცხადა, რომ წამალს ვერ მიიღებენ ჩვენი შვილები, რადგან ძალიან ბევრი უკუჩვენება აქვს, რაც აბსოლუტურად სიცრუეა და მოსახლეობა შეჰყავთ შეცდომაში. სირცხვილია, როგორ შეიძლება ამხელა ტყუილი განაცხადო ქვეყნის მმართველმა. არ ვიცი, რას ემსახურება ეს ყველაფერი, მშობლების ნებისყოფას ცდიან, თუ რა ხდება, ვერ ვიგებ. მშობლები არ დაიღლებიან, მშობლები იბრძოლებენ ბოლომდე, მანამ ჩვენს შვილებს ამ წამალს არ მივუტანთ, დღე და ღამეს გავათენებთ. უფრო და უფრო მეტი ხალხი გვიერთდება, მეტი მხარდაჭერა გვაქვს მოსახლეობისგან, არ დავიღლებით, ნუ ექნებათ ქვეყნის მმართველებს ამბიცია, რომ ჩვენ დავიღლებით და გაგვაჩუმებენ.
მოიძიონ ევროპის და აშშ-ის გაიდლაინები. როგორ, მე, მშობელს, მინდა, ისეთი წამალი მივცე ჩემს შვილს, რომელიც არ არის გამოკვლეული და ლიცენზირებული? რომელ დედას უნდა? მე ტყუილად მინდა ჩემი შვილი დავჩხვლიტო და ვაწვალო თუ შედეგი არ იქნება? ეს არის სიცრუე. გაწევრიანებული ვართ ევროპის ქვეყნების დედების ჯგუფში, რომლებიც ყოველდღე გვიზიარებენ ამ შედეგებს, სიხარულს და ჩვენ შევნატრით, ჩვენი ოცნებაა, რომ ჩვენთანაც შემოვიდეს [მედიკამენტი].
აცხადებს აქონდროპლაზიის სინდრომის მქონე ბავშვის მშობელი, ჯუნა მამაცაშვილი სოფო ზურაბიანის პოლიტიკის ფორმულაში.
დღეს ირაკლი ღარიბაშვილმა თქვა, რომ "უპასუხისმგებლო პოპულისტები რომ იყვნენ, 10 მილიონს გამოყოფდნენ და წამალს შემოიტანდნენ", თუმცა, მთავრობა "წესებს და კვალიფიციურ აზრებს" მიჰყვება.
დახურვა
