მე მინდა, მშობლებს ვთხოვო კიდევ ერთხელ და მოვუწოდო, გავაგრძელოთ შეთანხმებები და ყველა ის პროცესი, რაც აუცილებელია ამ იშვიათი დაავადებების მკურნალობის და მეთოდების ქვეყანაში დასანერგად, გავაგრძელოთ სამინისტროში, სამუშაო მაგიდასთან ყველა იმ ფორმატში, რომელი ფორმატების მეშვეობითაც ჩვენ ვცდილობთ, რომ ამ იშვიათ დაავადებას მივხედოთ და პრობლემები მოვაგვაროთ. ის, რაც დღეს და გასული დღეების განმავლობაში ხდება, თვითონაც ხედავენ, რომ ეს არანაირად არ წაადგება ამ საქმეს.
ჩვენ არასდროს არავისთვის უარი არ გვითქვამს აღნიშნული იშვიათი დაავადების მკურნალობასთან დაკავშირებით, ასევე, არასდროს არ გაკეთებულა აქცენტი, რომ ბიუჯეტში არის წელს, ან არ არის წელს, იყო წინა წელს, თუ მომდევნო წელს იქნება. აქედან გამომდინარე, ის საკითხი, რომ ბიუჯეტთან მიმართებაში არის პრობლემა, არასდროს დაფიქსირებულა და კიდევ ერთხელ ამას ვადასტურებ. ჩვენი სამინისტრო არცერთი დღე არ შეჩერებულა ამ მიმართულებით და რამდენიმე მხარესთან აქვს მუდმივი და უწყვეტი კომუნიკაცია.
განაცხადა ჯანდაცვის მინისტრმა, ზურაბ აზარაშვილმა.
აქონდროპლაზიის დიაგნოზის მქონე ბავშვების მშობლები მე-14 დღეა, მთავრობის კანცელარიასთან ღამეს ათევენ - ისინი მოითხოვენ, სახელმწიფომ ბიუჯეტიდან მედიკამენტისთვის საჭირო თანხები გამოყოს, რათა ბავშვებმა მკურნალობა შეძლონ.
დახურვა
