logo
ENG

ხოშტარია: ბოიკოტი იქნებოდა დანებება, ჩვენ უნდა ვიბრძოლოთ
  • 159ნახვები

რაც ჩვენ გუშინ გვითხრა ქართულმა ოცნება, ეს იყო ღია განაცხადი პრორუსულობაზე და ღია განაცხადი საქართველოს მთავრობის ანტიდასავლური განწყობების. მათ თქვეს, რომ ევროკავშირთან დადებული ხელშეკრულება მათთვის არაფერს წარმოადგენს. ეს არის გამოწვევა საქართველოს ყველა მოქალაქისთვის. უნდა გვესმოდეს, რომ ეს არჩევნები და ზოგადად არჩევნების დღე არის არა პოლიტიკოსების, არამედ საქართველოს მოქალაქეების არჩევანის და მომავლის განსაზღვრის დღე. შესაბამისად, ჩვენ ყველამ, პოლიტიკოსებმა და მოქალაქეებმა, ერთად უნდა ვუპასუხოთ, რომ არ იქნება საქართველო პრორუსული, არ არის საქართველო ის ქვეყანა, სადაც ხალხს ურტყამენ, სცემენ და კლავენ ქუჩაში, არ არის ის ქვეყანა სადაც თავს ესხმიან ჟურნალისტებს და სადაც გვეშინია ჩვენი შვილების გარეთ გაშვების. მე და ნიკა მელია, ყველა ის პარტია, რომელიც შემოერთებულია ამ კოალიციაში, აბსოლუტურად პრინციპულად განწყობილი ვართ ამ ბრძოლისთვის, გავაკეთოთ არჩევანი კოალიციური, მრავალფეროვანი ხელისუფლების სასარგებლოდ. არც კი განვიხილავთ, არ ვაპირებთ ქართული ოცნების დღის წესრიგით ყოფნას. არანაირი ბოიკოტი, ბოიკოტი იქნებოდა დანებება, ჩვენ უნდა ვიბრძოლოთ.

განაცხადა მოძრაობა დროას დამფუძნებელმა, თბილისის საკრებულოს თავმჯდომარეობის კანდიდატმა ელენე ხოშტარიამ ნაციონალური მოძრაობის თავმჯდომარე ნიკა მელიასთან ერთად გამართულ ბრიფინგზე. ოცნების მიერ მიშელის დოკუმენტის ანულირების შემდეგ, მელიამ დღეს თქვა, რომ პარლამენტს ტოვებს და ხოშტარიასთან ერთად, აპირებს, მთლიანად თვითმმართველობის არჩევნებზე კონცენტრირდეს. მანვე აღნიშნა, რომ ენმ-ს სხვა დეპუტატები პარლამენტში დარჩებიან, რათა ოცნებას პროპორციულ საარჩევნო სისტემაზე გადასვლასთან დაკავშირებული საკითხები ბოლომდე მიაყვანინონ.



ასევე ნახეთ
close დახურვა