„ახალი საქართველო“ ლიდერმა გიორგი ვაშაძემ საგანგებო ბრიფინგზე განაცხადა, რომ მმართველ გუნდს მოუწევს 8 მარტის ხელშეკრულების ორივე პუნქტის შესრულება.
ვაშაძის თქმით, ევროპელი პარტნიორები არ დაუშვებენ საქართველოს დემოკრატიის გზიდან აცდენას.
„ძალიან დიდი მადლობა მინდა ვუთხრა ჩვენს დასავლელ და ევროპელ პარტნიორებს ასეთი ხმარდაჭერისთვის ქართული დემოკრატიის. მათი ჩართულობა ძალიან მნიშვნელოვანია. მინდა მივმართო „ქართულ ოცნებას“ - არ გამოგივათ რუსული ე.წ. სუვერენული დემოკრატიის გზით სვლა. არ გამოგივათ ქართველი ხალხის ნების საწინააღმდეგოდ სვლა. არ გამოგივათ ის ტყუილები, რასაც ეწევით საარჩევნო საკითხებთან დაკავშირებით. თქვენი სახე თავიდან ბოლომდე იცის მთელმა ცივილიზებულმა სამყარომ. ამერიკა და ევროკავშირი ყოველთვის მხარს დაგვიჭერს საქართველოში დემოკრატიის განვითარების კუთხით და ყოველთვის მხარს დაუჭერს ქართველი ხალხის ნების თავისუფალ დემოკრატიულ განვითარებას.
არ გეგონოთ, რომ თქვენი ქმედებებით ამას შეცვლით. ყველა ხელისუფლება ვინც სცადა საქართველოში დემოკრატიის ხელყოფა, კრახით დაამთავრა და მომავალშიც კრახით დაამთავრებს. ამას არ დაუშებს არც საერთაშორისო ცივილიზებული სამყარო და ამას არ დაუშებს ქართველი ხალხი. მარტივი საკითხია დარჩენილი - შეასრულეთ 8 მარტს გაფორმებული შეთანხმება. ხომ დაგისვეს წერტილი და კიდევ ერთხელ წერტილი, რაზეც გუშინ საუბრობდით. მინდა მივმმართო ბატონ თალაკვაძესა და კობახიძეს, რომლებიც მოლაპარაკებებზე ჩვენთან ერთად ისხდნენ - ნუთუ არ გრცხვენიათ, რომ ასე ცრუობთ? მოლაპარაკებებზე ერთს საუბრობთ და საჯაროდ ასე იტყუებით. სინდისი ხომ შეიძლება გქონდეთ. ასე შეიძლება თავისუფალი არჩევნების გეშინოდეს? მინდა მივმართო მოსახლეობას - ვიყოთ ერთიანები და აუცილებლად გავიმარჯვებთ. ოცნებას მოუწევს შეთანხმების ორივე ნაწილის შესრულება, სხვა გზა არ აქვთ“, - განაცხადა ვაშაძემ.
საარჩევნო შეთანხმება და პოლიტპატიმრების თემა ოპოზიციასა და ხელისუფლებას შორის:
დახურვა